صحيت الساعة 5 مع أني ما بصحاش بدري
لقيت الفطار على السرير والحزن مخمود جنبي
قام الحزن وقالي كٌل معايا وسمي
قلت له يالا سبني وأوعى تسأل عني
ده الفرح على الفطار معزوم عندي
والحزن كان مطنش ومش عايز يسمعني
رحت فتحت الباب ونزلت الشارع وقعدت أجري
لمحت في شارع الفرح وأنا معدي
لابس طقم شيك أيه يا وعدي
قلت له جاي على الفطار قالي أنا عند وعدي
رحت البيت لقيت أبويا وأمي مقشريين والحزن عمال يغني
قلت لأمي مالك قالت أبوك مزعلني
قلت لها ده مش أبويا ده الحزن الي مزود همك
وهمي
جريت على المطبخ مسكت الساتور لازم أموته
زي ما فور دمي
الفرح نصحني وفهمني وقالي
قالي موته مش بالساتور صدقني
قالي أضحك يالا وسمعني
قعدت أضحك لغايت لما زوري وجعني
وفي لحظة لقيت الحزن بيجري في الشارع وعمال
يودعني
قضيت أيام من غير الحزن متهني
وفي يوم خبط الباب فتحت راح الحزن فزعني
جاي هو ومراته وعياله وقالي وسعلي
خلاص قرروا يقيموا عندي
محب فايز
2 comments:
to7fa awii el sh3r da ya moheb
محب شعرك فظيييييييييييييييييييييع عجبنى موت تجسيدك للمشاعر الحزن و الفرح استمتعت جدا جدا جدا بقرايته
http://go2lightgo.blogspot.com
Post a Comment