شيلي من على وشك التكشيرة
سيبي شعرك فوكي الضفيرة
ما تفكريش في إلي فات ولا إلي جاي
ما تفكريش في حاجات كتيرة
أهم حاجة تكوني مبسوطه
أنا عارف إنك بنوتة
في العشق بالذات مكبوته
فوكي إيديك المتشبكه
أخلعي البلوفر الصوف الدنيا لسة مبقتش برد
كلي من على عربية فول
وحلي بحتة مشبكة
مايهمكيش حد
خلي حياتك حدوتة
أنا عارف إنك بنوتة
في العشق بالذات مكبوتة
إبكي وقت الضحك
إبكي وقت الجد
أهم حاجة تكون مشاعرك بجد
مش مشاعر متفبركة
حتى لو قالوا عنك عيوطة
أنا عارف إنك بنوتة
في العشق بالذات مكبوتة
محب فايز
21-2-2007
الساعة 3 صباحاً
